नयाँ म्युजिक भिडियो ‘मुटु भित्रै’ रिलिज

Rainbow Wave युट्युब च्यानलमार्फत आज सार्वजनिक गरिएको गीत ‘मुटु भित्रै’ दर्शक–श्रोतामाझ चर्चाको विषय बनेको छ। कमला लिम्बूको प्रस्तुतिमा तयार भएको यस भिडियोले निर्देशक बिबे लिम्बूको कलात्मक दृष्टिकोण र संवेदनशील निर्देशन शैलीलाई अझ प्रस्टसँग उजागर गरेको छ।

लिम्बूले प्रयोग गरेका सन्तुलित फ्रेमिङ, स्वाभाविक क्यामरा मूभमेन्ट, रंग प्रयोगको सूक्ष्मता, तथा बिस्तारै खुल्दै जाने कथात्मक प्रस्तुतिले भिडियोको भावनात्मक यात्रालाई गहिरो र प्रभावकारी बनाएको छ। शब्दभन्दा बढी दृश्य–भाषाबाट कथा बोलाउने लिम्बूको शैली यस भिडियोमा झनै परिष्कृत देखिन्छ।

भिडियोका मुख्य कलाकार आकाश श्रेष्ठ र सोनीय लिम्बूलाई निर्देशकले अत्यन्त प्राकृतिक र जीवन्त वातावरणमा प्रस्तुत गरेका छन्। उनीहरूको रोमान्टिक ऊर्जा, सहज अभियन र मधुर उपस्थितिले भिडियोमा अर्को स्तरको मिठास थपेको छ। सह–कलाकार प्रकाश लिम्बूले आफ्नो भूमिकामार्फत कथालाई थप गहिरो बनाएका छन्।

गीतलाई भावपूर्ण बनाउने कार्यमा गायक–गायिका अनु चौधरी र सुबास क्याप्छाकीको आवाज एकदमै सशक्त रूपमा प्रस्तुत भएको छ। शब्द र संगीत राज खिन्दिङ, संगीत संयोजन बिशाल निरौला, र अडियो मिक्सिङ रञ्जन राईको योगदानले गीतलाई पूर्णता प्रदान गरेको छ।

भिडियो निर्माणमा छायांकन उत्सव दाहाल, सम्पादन–कलर विकास दाहाल, मेकअप माही सिंह, ड्रेस Valentino Boutique, कोरियोग्राफी पुनम श्रेष्ठ, र उत्पादन व्यवस्थापक सूर्य ओलीको सामूहिक प्रयास उल्लेखनीय छ।